శ్రీ మహాలక్ష్మి అష్టకం

నమస్తే‌స్తు మహామాయే శ్రీపీఠే సురపూజితే
శంఖచక్ర గదాహస్తే మహాలక్ష్మి నమో‌స్తుతే
నమస్తే గరుడారూఢే డోలాసుర భయంకరి
సర్వపాపహరే దేవి మహాలక్ష్మి నమో‌స్తుతే
సర్వఙ్ఞే సర్వవరదే సర్వదుష్ట భయంకరి
సర్వదుఃఖ హరే దేవి మహాలక్ష్మి నమో‌స్తుతే
సిద్ధి బుద్ధి ప్రదే దేవి భుక్తి ముక్తి ప్రదాయిని
మంత్ర మూర్తే సదా దేవి మహాలక్ష్మి నమో‌స్తుతే
ఆద్యంత రహితే దేవి ఆదిశక్తి మహేశ్వరి
యోగఙ్ఞే యోగ సంభూతే మహాలక్ష్మి నమో‌స్తుతే
స్థూల సూక్ష్మ మహారౌద్రే మహాశక్తి మహోదరే
మహా పాప హరే దేవి మహాలక్ష్మి నమో‌స్తుతే
పద్మాసన స్థితే దేవి పరబ్రహ్మ స్వరూపిణి
పరమేశి జగన్మాతః మహాలక్ష్మి నమో‌స్తుతే
శ్వేతాంబరధరే దేవి నానాలంకార భూషితే
జగస్థితే జగన్మాతః మహాలక్ష్మి నమో‌స్తుతే
మహాలక్ష్మష్టకం స్తోత్రం యః పఠేద్ భక్తిమాన్నరః
సర్వ సిద్ధి మవాప్నోతి రాజ్యం ప్రాప్నోతి సర్వదా
ఏకకాలే పఠేన్నిత్యం మహాపాప వినాశనమ్
ద్వికాలం యః పఠేన్నిత్యం ధన ధాన్య సమన్వితం
త్రికాలం యః పఠేన్నిత్యం మహాశత్రు వినాశనం
మహాలక్ష్మీ ర్భవేన్నిత్యం ప్రసన్నా వరదా శుభా
ఇతీంద్రకృత శ్రీ మహాలక్ష్మ్యష్టక స్తవం సంపూర్ణమ్