శుక్లాంబరధరం విష్ణుం శశివర్ణం చతుర్భుజమ్ |
ప్రసన్నవదనం ధ్యాయేత్ సర్వ విఘ్నోపశాంతయే ||
యస్యద్విరద వక్త్రాద్యాః పారిషద్యాః పరశ్శతమ్ |
విఘ్నం నిఘ్నంతి సతతం విశ్వక్సేనం తమాశ్రయే ||
వ్యాసం వసిష్ఠనప్తారం శక్తేః పౌత్రమకల్మషమ్ |
పరాశరాత్మజం వందే శుకతాతం తపోనిధిమ్ ||
వ్యాసాయ విష్ణు రూపాయ వ్యాస రూపాయ విష్ణవే |
నమో వై బ్రహ్మనిధయే వాసిష్ఠాయ నమో నమః ||
అవికారాయ శుద్ధాయ నిత్యాయ పరమాత్మనే |
సదైక రూప రూపాయ విష్ణవే సర్వజిష్ణవే ||
యస్య స్మరణమాత్రేణ జన్మ సంసార బంధనాత్ |
విముచ్యతే నమస్తస్మై విష్ణవే ప్రభవిష్ణవే ||
ఓం నమో విష్ణవే ప్రభవిష్ణవే |
శ్రీ వైశంపాయన ఉవాచ:
శ్రుత్వా ధర్మా నశేషేణ పావనాని చ సర్వశః |
యుధిష్ఠిరః శాంతనవం పునరే వాభ్యభాషత ||
యుధిష్ఠిర ఉవాచ:
కిమేకం దైవతం లోకే కింవా ప్యేకం పరాయణం |
స్తువంతః కం కమర్చంతః ప్రాప్నుయుః మానవాశ్శుభమ్ ||
కో ధర్మః సర్వధర్మాణాం భవతః పరమో మతః |
కిం జపన్ ముచ్యతే జంతుః జన్మసంసార బంధనాత్ ||
శ్రీ భీష్మ ఉవాచ:
జగజత్ ప్రభుం దేవదేవం అనంతం పురుషోత్తమమ్ |
స్తువన్నామసహస్రేణ పురుషః సతతోత్థితః ||
తమేవ చార్చయన్నిత్యం భక్త్యా పురుషమవ్యయమ్ |
ధ్యాయన్ స్తువన్నమస్యంశ్చ యజమానస్తమేవచ ||
అనాది నిధనం విష్ణుం సర్వలోక మహేశ్వరమ్ |
లోకాధ్యక్షం స్తువన్నిత్యం సర్వ దుఃఖాతిగో భవేత్ ||
బ్రహ్మణ్యం సర్వ ధర్మఙ్ఞం లోకానాం కీర్తి వర్ధనమ్ |
లోకనాథం మహద్భూతం సర్వభూత భవోద్భవమ్||
ఏష మే సర్వ ధర్మాణాం ధర్మో ధికతమో మతః |
యద్భక్త్యా పుండరీకాక్షం స్తవైరర్చేన్నరః సదా ||
పరమం యో మహత్తేజః పరమం యో మహత్తపః |
పరమం యో మహద్బ్రహ్మ పరమం యః పరాయణమ్ |
పవిత్రాణాం పవిత్రం యో మంగళానాం చ మంగళమ్ |
దైవతం దేవతానాం చ భూతానాం యో వ్యయః పితా ||
యతః సర్వాణి భూతాని భవంత్యాది యుగాగమే |
యస్మింశ్చ ప్రళయం యాంతి పునరేవ యుగక్షయే ||
తస్య లోక ప్రధానస్య జగన్నాథస్య భూపతే |
విష్ణోర్నామ సహస్రం మే శ్రుణు పాప భయాపహమ్ ||
యాని నామాని గౌణాని విఖ్యాతాని మహాత్మనః |
ఋషిభిః పరిగీతాని తాని వక్ష్యామి భూతయే ||
విష్ణోర్నామ సహస్రస్య వేదవ్యాసో మహానృషిః ||
ఛందో‌నుష్టుప్ తథా దేవో భగవాన్ దేవకీసుతః ||
అమృతాం శూద్భవో బీజం శక్తిర్దేవకినందనః |
త్రిసామా హృదయం తస్య శాంత్యర్థే వినియుజ్యతే ||
విష్ణుం జిష్ణుం మహావిష్ణుం ప్రభవిష్ణుం మహేశ్వరమ్ ||
అనేకరూప దైత్యాంతం నమామి పురుషోత్తమమ్ ||
పూర్వన్యాసః
అస్య శ్రీ విష్ణోః దివ్య సహస్రనామ స్తోత్ర మహామంత్రస్య | శ్రీ వేదవ్యాసో భగవాన్ ఋషిః | అనుష్టుప్ ఛందః | శ్రీ మహావిష్ణుః పరమాత్మా శ్రీమన్నారాయణో దేవతా | అమృతాం శూద్భవో భానురితి బీజమ్ | దేవకీ నందనః స్రష్టేతి శక్తిః | ఉద్భవః, క్షోభణో దేవ ఇతి పరమోమంత్రః | శంఖభృన్నందకీ చక్రీతి కీలకమ్ | శార్ంగధన్వా గదాధర ఇత్యస్త్రమ్ | రథాంగపాణి రక్షోభ్య ఇతి నేత్రమ్ | త్రిసామాసామగః సామేతి కవచమ్ | ఆనందం పరబ్రహ్మేతి యోనిః | ఋతుః సుదర్శనః కాల ఇతి దిగ్బంధః | శ్రీ విశ్వరూప ఇతి ధ్యానమ్ | శ్రీ మహావిష్ణు ప్రీత్యర్థే సహస్రనామ జపే వినియోగః|
ధ్యానమ్:
క్షీరోధన్వత్ ప్రదేశే శుచిమణి విలసత్ సైకతే మౌక్తికానామ్
మాలాక్ ప్తాసనస్థః స్ఫటికమణినిభైః మౌక్తికైర్మండితాంగః |
శుభ్రైరభ్రై రదభ్రై రుపరివిరచితైర్ముక్త పీయూష వర్షైః
ఆనందీ నః పునీయా దరినలిన గదా శంఖపాణిః ముకుందః ||
భూః పాదౌ యస్య నాభిర్వియదసుర నిలశ్చంద్ర సూర్యౌ చ నేత్రే
కర్ణావాశాః శిరోద్యౌః ముఖమపి దహనో యస్య వాస్తేయ మబ్ధిః |
అంతస్థం యస్య విశ్వం సుర నరఖగగో భోగి గంధర్వ దైత్యైః
చిత్రంరం రమ్యతే తం త్రిభువన వపుశం విష్ణుమీశం నమామి ||
శాంతాకారం భుజగశయనం పద్మనాభం సురేశమ్
విశ్వాకారం గగన సదృశం మేఘవర్ణం శుభాంగమ్ |
లక్ష్మీకాంతం కమలనయనం యోగి హృద్ధ్యాన గమ్యమ్
వందే విష్ణుం భవ భయ హరం సర్వ లోకైక నాథమ్ ||
మేఘ శ్యామం పీత కౌశేయ వాసం
శ్రీవత్సాకం కౌస్తుభోద్భాసితాంగమ్ |
పుణ్యోపేతం పుండరీకాయతాక్షం
విష్ణుం వందే సర్వలోకైక నాథమ్||
సశంఖచక్రం సకిరీట కుండలం
సపీతవస్త్రం సరసీరుహేక్షణమ్ |
సహార వక్షఃస్థల శోభి కౌస్తుభం
నమామి విష్ణుం శిరసా చతుర్భుజమ్ ||
ఛాయాయాం పారిజాతస్య హేమసింహాసనోపరిః
ఆసీనమంబుదశ్యామ మాయతాక్ష మలంకృతమ్ |
చంద్రాననం చతుర్బాహుం శ్రీవత్సాంకిత వక్షసమ్
రుక్మిణీ సత్యభామాభ్యాం సహితం కృష్ణమాశ్రయే ||
ఓం విశ్వస్మై నమః
- ఓం విశ్వం విష్ణుర్వషట్కారో భూతభవ్య భవత్ప్రభుః |
భూతకృద్ భూతభృద్భావో భూతాత్మా భూతభావనః || - పూతాత్మా పరమాత్మా చ ముక్తానాం పరమాగతిః |
అవ్యయః పురుషః సాక్షీ క్షేత్రఙ్ఞో‌క్షర ఏవచ || - యోగో యోగవిదాం నేతా ప్రధాన పురుషేశ్వరః |
నారసింహవపుః శ్రీమాన్ కేశవః పురుషోత్తమః || - సర్వః శర్వః శివః స్థాణుః భూతాదిర్నిధి రవ్యయః |
సంభవో భావనో భర్తా ప్రభవః ప్రభురీశ్వరః || - స్వయంభూః శంభురాదిత్యః పుష్కరాక్షో మహాస్వనః |
అనాది నిధనో ధాతా విధాతా ధాతురుత్తమః || - అప్రమేయో హృషీకేశః పద్మనాభో మరప్రభుః |
విశ్వకర్మా మను స్త్వష్టా స్థవిష్ఠః స్థవిరో ధ్రువః || - అగ్రాహ్య శాశ్వతః కృష్ణో లోహితాక్షః ప్రతర్దనః |ప్రభూతః త్రికకుబ్ధామ పవిత్రం మంగళం పరమ్ ||
- ఈశానః ప్రాణదః ప్రాణో జ్యేష్ఠః శ్రేష్ఠః ప్రజాపతిః |
హిరణ్యగర్భో భూగర్భో మాధవో మధుసూదనః || - ఈశ్వరో విక్రమీధన్వీ మేధావీ విక్రమః క్రమః |
అనుత్తమో దురాధర్షః కృతఙ్ఞః కృతిరాత్మవాన్|| - సురేశః శరణం శర్మ విశ్వరేతాః ప్రజాభవః |అహస్సంవత్సరో వ్యాళః ప్రత్యయః సర్వదర్శనః ||
- అజస్సర్వేశ్వరః సిద్ధః సిద్ధిః సర్వాదిరచ్యుతః |
వృషా కపిరమేయాత్మా సర్వయోగ వినిసృతః || - వసుర్వసుమనాః సత్యః సమాత్మా సమ్మితస్సమః |అమోఘః పుండరీకాక్ష వృషకర్మా వృషాకృతిః ||
- రుద్రో బహుశిరా బభ్రుః విశ్వయోనిః శుచిశ్రవాః |అమృతః శాశ్వత స్థాణుః వరారోహో మహాతపాః ||
- సర్వగః సర్వ విద్భానుః విష్వక్సేనో జనార్దనః |వేదో వేదవిదవ్యంగో వేదాంగో వేదవిత్కవిః ||
- లోకాధ్యక్షః సురాధ్యక్షో ధర్మాధ్యక్షః కృతాకృతః |చతురాత్మా చతుర్వ్యూహః చతుర్దంష్ట్రః చతుర్భుజః ||
- భ్రాజిష్ణుః భోజనం భోక్తా సహిష్ణుర్జగదారిజః |అనఘో విజయో జేతా విశ్వయోనిః పునర్వసుః ||
- ఉపేంద్రో వామనః ప్రాంశురమోఘః శుచిరూర్జితః |అతీంద్రః సంగ్రహః సర్గో ధృతాత్మా నియమో యమః ||
- వేద్యో వైద్యః సదాయోగీ వీరహా మాధవో మధుః |అతీంద్రియో మహామాయో మహోత్సాహో మహాబలః ||
- మహాబుద్ధిః మహావీర్యో మహాశక్తిర్మహాద్యుతిః |అనిర్దేశ్యవపుః శ్రీమానమేయాత్మా మహాద్రిధృక్ ||
- మహేష్వాసో మహీభర్తా శ్రీనివాసః సతాంగతిః |అనిరుద్ధః సురానందో గోవిందో గోవిదాం పతిః ||
- మరీచిః దమనో హంసః సుపర్ణో భుజగోత్తమః |హిరణ్యనాభః సుతపాః పద్మనాభః ప్రజాపతిః ||
- అమృత్యుః సర్వదృక్సింహః సంధాతా సంధిమాన్ స్థిరః |అజో దుర్మర్షణః శాస్తా విశ్రుతాత్మా సురారిహా ||
- గురుర్గురుతమో ధామ సత్యస్సత్య పరాక్రమః |నిమిషో‌నిమిషః స్రగ్వీ వాచస్పతి రుదారధీః ||
- అగ్రణీః గ్రామణీః శ్రీమాన్ న్యాయోనేతా సమీరణః |సహస్రమూర్ధా విశ్వాత్మా సహస్రాక్షః సహస్రపాత్ ||
- ఆవర్తనో నివృత్తాత్మా సంవృతః సంప్రమర్దనః |అహః సంవర్తకో వహ్నిరనిలో ధరణీధరః ||
- సుప్రసాదః ప్రసన్నాత్మా విశ్వధృగ్విశ్వ భుగ్విభుః |సత్కర్తా సత్కృతః సాధుః జహ్నుర్నారాయణో నరః ||
- అసంఖ్యేయో ప్రమేయాత్మా విశిష్టః శిష్టకృచ్ఛుచిః |సిద్ధార్థః సిద్ధ సంకల్పః సిద్ధిదః సిద్ధి సాధనః ||
- వృషాహీ వృషభో విష్ణుః వృషపర్వా వృషోదరః |వర్ధనో వర్ధమానశ్చ వివిక్తః శ్రుతిసాగరః ||
- సుభుజో దుర్ధరో వాగ్మీ మహేంద్రో వసుదో వసుః |నైకరూపో బృహద్రూపః శిపివిష్టః ప్రకాశనః ||
- ఓజస్తేజో ద్యుతిధరః ప్రకాశాత్మా ప్రతాపనః |ఋద్దః స్పష్టాక్షరో మంత్ర చంద్రాంశుర్భాస్కరద్యుతిః ||
- అమృతాంశూద్భవో భానుః శశబిందుః సురేశ్వరః |ఔషధం జగతః సేతుః సత్యధర్మ పరాక్రమః ||
- భూతభవ్య భవన్నాథః పవనః పావనో నలః |కామహా కామకృత్కాంతః కామః కామప్రదః ప్రభుః ||
- యుగాది కృద్యుగావర్తో నైకమాయో మహాశనః |అదృశ్యో వ్యక్తరూపశ్చ సహస్రజిదనంతజిత్ ||
- ఇష్టో‌విశిష్టః శిష్టేష్టః శిఖండీ నహుషో వృషః |క్రోధహా క్రోధకృత్కర్తా విశ్వబాహుర్మహీధరః ||
- అచ్యుతః ప్రథితః ప్రాణః ప్రాణదో వాసవానుజః |అపాంనిధి రధిష్ఠాన మప్రమత్తః ప్రతిష్ఠితః ||
- స్కందః స్కందధరో ధుర్యో వరదో వాయువాహనః |వాసుదేవో బృహద్భానుః ఆదిదేవః పురంధరః ||
- అశోకస్తారణస్తారః శూరః శౌరిర్జనేశ్వరః |అనుకూలః శతావర్తః పద్మీ పద్మ నిభేక్షణః ||
- పద్మనాభో రవిందాక్షః పద్మగర్భః శరీరభృత్ |మహర్ధిః ఋద్ధో వృద్ధాత్మా మహాక్షో గరుడధ్వజః ||
- అతులః శరభో భీమః సమయఙ్ఞో హవిర్హవిః |సర్వలక్షణ లక్షణ్యో లక్ష్మీవాన్ సమితింజయః ||
- విక్షరో రోహితో మార్గో హేతు ర్దామోదరః సహః |మహీధరో మహాభాగో వేగవానమితాశనః ||
- ఉద్భవః క్షోభణో దేవః శ్రీగర్భః పరమేశ్వరః |కరణం కారణం కర్తా వికర్తా గహనో గుహః ||
- వ్యవసాయో వ్యవస్థానః సంస్థానః స్థానదో ధ్రువః |పరర్ధిః పరమస్పష్టః తుష్టః పుష్టః శుభేక్షణః ||
- రామో విరామో విరజో మార్గోనేయో నయో నయః |వీరః శక్తిమతాం శ్రేష్ఠో ధర్మోధర్మ విదుత్తమః ||
- వైకుంఠః పురుషః ప్రాణః ప్రాణదః ప్రణవః పృథుః |హిరణ్యగర్భః శత్రుఘ్నో వ్యాప్తో వాయురధోక్షజః ||
- ఋతుః సుదర్శనః కాలః పరమేష్ఠీ పరిగ్రహః |ఉగ్రః సంవత్సరో దక్షో విశ్రామో విశ్వదక్షిణః ||
- విస్తారః స్థావర స్థాణుః ప్రమాణం బీజమవ్యయమ్ |అర్థో‌నర్థో మహాకోశో మహాభోగో మహాధనః ||
- అనిర్విణ్ణః స్థవిష్ఠో భూద్ధర్మయూపో మహామఖః |నక్షత్రనేమి ర్నక్షత్రీ క్షమః క్షామః సమీహనః ||
- యఙ్ఞ ఇజ్యో మహేజ్యశ్చ క్రతుంస్సత్రం సతాంగతిః |సర్వదర్శీ నివృత్తాత్మా సర్వఙ్ఞో ఙ్ఞానముత్తమమ్ ||
- సువ్రతః సుముఖః సూక్ష్మః సుఘోషః సుఖదః సుహృత్ |మనోహరో జితక్రోధో వీర బాహు ర్విదారణః ||
- స్వాపనః స్వవశో వ్యాపీ నైకాత్మా నైకకర్మకృత్ |వత్సరో వత్సలో వత్సీ రత్నగర్భో ధనేశ్వరః ||
- ధర్మగుబ్ధర్మకృద్ధర్మీ సదసత్ క్షరమక్షరమ్|అవిఙ్ఞాతా సహస్త్రాంశుః విధాతా కృతలక్షణః ||
- గభస్తినేమిః సత్వస్థః సింహో భూత మహేశ్వరః |ఆదిదేవో మహాదేవో దేవేశో దేవభృద్గురుః ||
- ఉత్తరో గోపతిర్గోప్తా ఙ్ఞానగమ్యః పురాతనః |శరీర భూతభృద్ భోక్తా కపీంద్రో భూరిదక్షిణః ||
- సోమపో‌మృతపః సోమః పురుజిత్ పురుసత్తమః |వినయో జయః సత్యసంధో దాశార్హః సాత్వతాం పతిః ||
- జీవో వినయితా సాక్షీ ముకుందో మితవిక్రమః |అంభోనిధిరనంతాత్మా మహో దధిశయోంతకః ||
- అజో మహార్హః స్వాభావ్యో జితామిత్రః ప్రమోదనః |ఆనందో నందనో నందః సత్యధర్మా త్రివిక్రమః ||
- మహర్షిః కపిలాచార్యః కృతఙ్ఞో మేదినీపతిః |త్రిపదః త్రిథశాధ్యక్షో మహాశృంగః కృతాంతకృత్ ||
- మహావరాహో గోవిందః సుషేణః కనకాంగదీ |గుహ్యో గభీరో గహనో గుప్తశ్చక్రగదాధరః ||
- వేధాః స్వాంగో జితః కృష్ణో దృఢః సంకర్షణో‌చ్యుతః |వరుణో వారుణో వృక్షః పుష్కరాక్షో మహామనాః ||
- భగవాన్ భగహా నందీ వనమాలీ హలాయుధః |ఆదిత్యో జ్యోతిరాదిత్యః సహిష్ణుర్గతి సత్తమః ||
- సుధన్వా ఖండపరశుః దారుణో ద్రవిణప్రదః |దివస్పృక్సర్వదృగ్వాసో వాచస్పతి రయోనిజః ||
- త్రిసామా సామగః సామ నిర్వాణం భేషజం భిషక్ |సన్యాస కృచ్ఛమః శాంతో నిష్ఠా శాంతిః పరాయణం||
- శుభాంగః శాంతిదః స్రష్ఠా కుముదః కువలేశయః |గోహితో గోపతి ర్గోప్తా వృషభాక్షో వృషప్రియః ||
- అనివర్తీ నివృత్తాత్మా సంక్షేప్తా క్షేమకృచ్ఛివః |శ్రీవత్సవక్షాః శ్రీవాసః శ్రీపతిః శ్రీమతాః వరః ||
- శ్రీదః శ్రీశః శ్రీనివాసః శ్రీనిధిః శ్రీవిభావనః |శ్రీధరః శ్రీకరః శ్రేయః శ్రీమాన్ లోకత్రయాశ్రయః ||
- స్వక్షః స్వంగః శతానందో నందిః జ్యోతిర్గణేశ్వరః |విజితాత్మా విధేయాత్మా సత్కీర్తిశ్ఛిన్న సంశయః ||
- ఉదీర్ణః సర్వతశ్చక్షురనీశః శాశ్వత స్థిరః |భూశయో భూషణో భూతిర్విశోకః శోకనాశనః ||
- అర్చిష్మా నర్చితః కుంభో విశుద్ధాత్మా విశోధనః |అనిరుద్ధో ప్రతిరథః ప్రద్యుమ్నో మిత విక్రమః ||
- కాలనేమినిహా వీరః శౌరిః శూరజనేశ్వరః |త్రిలోకాత్మా త్రిలోకేశః కేశవః కేశిహా హరిః ||
- కామదేవః కామపాలః కామీ కాంతః కృతాగమః |అనిర్దేశ్యవపుర్విష్ణుః వీరో‌నంతో ధనంజయః ||
- బ్రహ్మణ్యో బ్రహ్మకృత్ బ్రహ్మా బ్రహ్మవివర్ధనః |
బ్రహ్మవిద్ బ్రాహ్మణో బ్రహ్మీ బ్రహ్మఙ్ఞో బ్రాహ్మణప్రియః || - మహాక్రమో మహాకర్మా మహాతేజా మహోరగః |
మహాక్రతుర్మహాయజ్వా మహాయఙ్ఞో మహాహవిః || - స్తవ్యః స్తవప్రియః స్తోత్రం స్తుతిః స్తోతా రణప్రియః |
పూర్ణః పూరయితా పుణ్యః పుణ్య కీర్తిరనామయః || - మనోజవస్తీర్థకరో వసురేతా వసుప్రదః |
వసుప్రదో వాసుదేవో వసుర్వసుమనాః హవిః || - సద్గతిః సత్కృతిః సత్తా సద్భూతిః సత్పరాయణః |
శూరసేనో యదుశ్రేష్ఠః సన్నివాసః సుయామునః || - భూతావాసో వాసుదేవః సర్వాసునిలయో నలః |
దర్పహా దర్పదో దృప్తో దుర్ధరో థాపరాజితః || - విశ్వమూర్తిర్మహామూర్తిః దీప్తమూర్తి రమూర్తిమాన్ |
అనేకమూర్తి రవ్యక్తః శతమూర్తిః శతాననః || - ఏకోనైకః సవః కః కిం యత్తత్పద మనుత్తమమ్ |
లోకబంధుః లోకనాథో మాధవో భక్తవత్సలః || - సువర్ణవర్ణో హేమాంగో వరాంగశ్చందనాంగదీ |
వీరహా విషమః శూన్యో ఘృతాశీ రచలశ్చలః || - అమానీ మానదో మాన్యో లోకస్వామీ త్రిలోకధృత్క్ |
సుమేధా మేధజో ధన్యః సత్యమేధా ధరాధరః || - తేజో‌వృషో ద్యుతిధరః సర్వశస్త్ర భృతాంవరః |
ప్రగ్రహో నిగ్రహో వ్యగ్రో నైకశృంగో గదాగ్రజః || - చతుర్మూర్తి శ్చతుర్బాహు శ్చతుర్వ్యూహ శ్చతుర్గతిః |
చతురాత్మా చతుర్భావః చతుర్వేద విదేకపాత్ || - సమావర్తో నివృత్తాత్మా దుర్జయో దురతిక్రమః |
దుర్లభో దుర్గమో దుర్గో దురావాసో దురారిహా || - శుభాంగో లోకసారంగః సుతంతుః తంతువర్ధనః |ఇంద్రకర్మా మహాకర్మా కృతకర్మా కృతాగమః ||
- ఉద్భవః సుందరః సుందో రత్ననాభః సులోచనః |అర్కో వాజసనః శృంగీ జయంతః సర్వవిజ్జయీ ||
- సువర్ణబిందు రక్షోభ్యః సర్వవాగీ శ్వరేశ్వరః |మహాహృదో మహాగర్తో మహాభూతో మహానిధిః ||
- కుముదః కుందరః కుందః పర్జన్యః పావనో నిలః |అమృతాశో అమృతవపుః సర్వఙ్ఞః సర్వతోముఖః ||
- సులభః సువ్రతః సిద్ధః శత్రుజిత్ శత్రుతాపనః |న్యగ్రోధోదుంబరో శ్వత్థః ఛాణూరాంధ్ర నిషూదనః ||
- సహస్రార్చిః సప్తజిహ్వః సప్తైధాః సప్తవాహనః |అమూర్తి రనఘో చింత్యో భయకృద్భయనాశనః ||
- అణుర్బృహత్ కృశః స్థూలో గుణభృన్నిర్గుణో మహాన్ |అధృతః స్వధృతః స్వాస్యః ప్రాగ్వంశో వంశవర్ధనః ||
- భారభృత్కథితో యోగీ యోగీశః సర్వకామదః |ఆశ్రమః శ్రమణః క్షామః సుపర్ణో వాయువాహనః ||
- ధనుర్ధరో ధనుర్వేదో దండో దమయితా దమః |అపరాజితః సర్వసహోనియంతా నియమో‌యమః ||
- సత్త్వవాన్ సాత్త్వికః సత్యః సత్య ధర్మ పరాయణః |అభిప్రాయః ప్రియార్హోర్హః ప్రియకృత్ప్రీతివర్ధనః ||
- విహాయ సగతిర్జ్యోతిః సురుచిః హుతభుగ్విభుః |రవిర్విరోచనః సూర్యః సవితా రవిలోచనః ||
- అనంతో హుతభుగ్ భోక్తా సుఖదో నైకజో గ్రజః |అనిర్విణ్ణః సదామర్షీ లోకధిష్ఠాన మద్భుతః ||
- సనాత్సనాతనతమః కపిలః కపిరవ్యయః |స్వస్తిదః స్వస్తికృత్ స్వస్తిః స్వస్తిభుక్ స్వస్తిదక్షిణః ||
- అరౌద్రః కుండలీ చక్రీ విక్రమ్యూర్జిత శాశనః |శబ్దాతిగః శబ్దసహః శిశిరః శర్వరీకరః ||
- అక్రూరః పేశలో దక్షో దక్షిణః క్షమిణాం వరః |విద్వత్తమో వీతభయః పుణ్యశ్రవణ కీర్తనః ||
- ఉత్తారణో దుష్కృతిహా పుణ్యో దుఃస్వప్ననాశనః |వీరహా రక్షణః సంతో జీవనః పర్యవస్థితః ||
- అనంతరూపో నంతశ్రీః జితమన్యుః భయాపహః |చతురశ్రో గభీరాత్మా విదిశో వ్యాదిశో దిశః ||
- అనాదిః భూర్భువో లక్ష్మీః సువీరో రుచిరాంగదః |జననో జనజన్మాదిః భీమో భీమ పరాక్రమః ||
- ఆధార నిలయో ధాతా పుష్పహాసః ప్రజాగరః |
ఊర్ధ్వగః సత్పథాచారః ప్రాణదః ప్రణవః పణః || - ప్రమాణం ప్రాణనిలయః ప్రాణభృత్ ప్రాణజీవనః |తత్త్వం తత్త్వ విదేకాత్మా జన్మమృత్యు జరాతిగః ||
- భూర్భువః స్వస్తరుస్తారః సవితా ప్రపితామహః |యఙ్ఞో యఙ్ఞపతిర్యజ్వా యఙ్ఞాంగో యఙ్ఞవాహనః ||
- యఙ్ఞభృత్ యఙ్ఞకృత్ యఙ్ఞీ యఙ్ఞభుక్ యఙ్ఞసాధనః |యఙ్ఞాంతకృత్ యఙ్ఞ గుహ్య మన్నమన్నాద ఏవ చ ||
- ఆత్మయోనిః స్వయంజాతో వైఖానః సామగాయనః |దేవకీనందనః స్రష్ఠా క్షితీశః పాపనాశనః ||
- శంఖభృన్నందకీ చక్రీ శార్ంగ ధన్వా గదాధరః |రథాంగపాణి రక్షోభ్యః సర్వప్రహరణాయుధః || "2"శ్రీ సర్వప్రహరణాయుధ ఓం నమ ఇతి |
- వనమాలీ గదీ శార్ంగీ శంఖీ చక్రీ చ నందకీ |శ్రీమాన్నారాయణో విష్ణుః వాసుదేవో భిరక్షతు || "2"శ్రీ వాసుదేవో భిరక్షతు ఓం నమ ఇతి |
ఉత్తర పీఠిక:
- ఇతీదం కీర్తనీయస్య కేశవస్య మహాత్మనః |
నామ్నాం సహస్రం దివ్యానాం అశేషేణ ప్రకీర్తితమ్ || - య ఇదం శృణుయాత్ నిత్యం యశ్చాపి పరికీర్తయేత్|
నా శుభం ప్రాప్నుయాత్కించిత్ -సో‌ముత్రేహచ మానవః || - వేదాంతగో బ్రాహ్మణః స్యాత్ క్షత్రియో విజయీ భవేత్ |
వైశ్యో ధనసమృద్ధః స్యాత్ శూద్రః సుఖ మవాప్నుయాత్ || - ధర్మార్థీ ప్రాప్నుయాద్ధర్మం అర్థార్థీ చార్థ మాప్నుయాత్ |
కామాన వాప్నుయాత్ కామీ ప్రజార్థీ చాప్నుయాత్ర్పజాః || - భక్తిమాన్ యః సదోత్థాయ శుచిః సద్గతమానసః |
సహస్రం వాసుదేవస్య నామ్నామేతత్ ప్రకీర్తయేత్ || - యశః ప్రాప్నోతి విపులం యాతి ప్రాధాన్యమేవచ |
అచలాం శ్రియమాప్నోతి శ్రేయః ప్రాప్నోత్య నుత్తమమ్ || - న భయం క్వచిదాప్నోతి వీర్యం తేజశ్చ విందతి |
భవత్యరోగో ద్యుతిమాన్ బలరూప గుణాన్వితః || - రోగార్తో ముచ్యతే రోగాత్ బద్ధో ముచ్యేత బంధనాత్ |
భయా న్ముచ్యేత భీతస్తు ముచ్యే తాపన్న ఆపదః || - దుర్గాణ్య తితరత్యాశు పురుషః పురుషోత్తమమ్ |
స్తువ న్నామసహస్రేణ నిత్యం భక్తి సమన్వితః || - వాసుదేవాశ్రయో మర్త్యో వాసుదేవ పరాయణః |
సర్వపాప విశుద్ధాత్మా యాతి బ్రహ్మ సనాతనమ్ || - న వాసుదేవ భక్తానా మశుభం విద్యతే క్వచిత్ |
జన్మ మృత్యు జరావ్యాధి భయం నైవోపజాయతే || - ఇమం స్తవమధీయానః శ్రద్ధాభక్తి సమన్వితః |
యుజ్యేతాత్మ సుఖక్షాంతి శ్రీధృతి స్మృతి కీర్తిభిః || - న క్రోధో న చ మాత్సర్యం న లోభో నాశుభామతిః |
భవంతి కృతపుణ్యానాం భక్తానాం పురుషోత్తమే || - ద్వౌః స చంద్రార్క నక్షత్రా ఖందిశో భూర్మహోదధిః |
వాసుదేవస్య వీర్యేణ విధృతాని మహాత్మనః || - ససురాసుర గంధర్వం సయక్షోరగ రాక్షసమ్ |
జగద్వశే వర్తతేదం కృష్ణస్య సచరాచరమ్ || - ఇంద్రియాణి మనోబుద్ధిః సత్త్వం తేజో బలం ధృతిః |
వాసుదేవాత్మ కాన్యాహుః, క్షేత్రం క్షేత్రఙ్ఞ ఏవచ || - సర్వాగమానా మాచారః ప్రథమం పరికల్పతే |
ఆచర ప్రభవో ధర్మో ధర్మస్య ప్రభురచ్యుతః || - ఋషయః పితరో దేవా మహాభూతాని ధాతవః |
జంగమా జంగమం చేదం జగన్నారాయణోద్భవమ్ || - యోగోఙ్ఞానం తథా సాంఖ్యం విద్యాః శిల్పాది కర్మచ |
వేదాః శాస్త్రాణి విఙ్ఞానమేతత్ సర్వం జనార్దనాత్ || - ఏకో విష్ణు ర్మహద్భూతం పృథగ్భూతా న్యనేకశః |
త్రీన్ లోకాన్ వ్యాప్యభూతాత్మా భుంక్తే విశ్వభుగవ్యయః ||
ఇమం స్తవం భగవతో విష్ణో ర్వ్యాసేన కీర్తితమ్ |
పఠేద్య ఇచ్చేత్ పురుషః శ్రేయః ప్రాప్తుం సుఖానిచ ||
- విశ్వేశ్వరమజం దేవం జగతః ప్రభుమవ్యయమ్|
భజంతి యే పుష్కరాక్షం నతే యాంతి పరాభవమ్ ||
నతే యాంతి పరాభవమ్ ఓం నమ ఇతి | - అర్జున ఉవాచ:
పద్మపత్ర విశాలాక్ష పద్మనాభ సురోత్తమ |
భక్తానా మనురక్తానాం త్రాతాభవ జనార్దన || - శ్రీభగవాన్ ఉవాచ:
యో మాం నామ సహస్రేణ స్తోతు మిచ్ఛతి పాండవ |
సో హమేకేన శ్లోకేన స్తుత ఏవ న సంశయః ||
స్తుత ఏవ న సంశయ ఓం నమ ఇతి | - వ్యాస ఉవాచ:
వాసనా ద్వాసుదేవస్య వాసితం తే జగత్రయం |
సర్వభూత నివాసో‌సి వాసుదేవ నమోస్తుతే ||
శ్రీ వాసుదేవ నమోస్తుతే ఓం నమ ఇతి | - పార్వత్యువాచ:
కేనోపాయేన లఘునా విష్ణోర్నామ సహస్రకం |
పఠ్యతే పండితైర్నిత్యం శ్రోతు మిచ్ఛామ్యహం ప్రభో || - ఈశ్వర ఉవాచ:
శ్రీరామ రామ రామేతి రమే రామే మనోరమే |
సహస్రనామ తత్తుల్యం రామనామ వరాననే ||"3"
శ్రీరామ నామ వరానన ఓం నమ ఇతి | - బ్రహ్మోవాచ:
నమోస్త్వనంతాయ సహస్రమూర్తయే సహస్ర పాదాక్షి శిరోరు బాహవే |
సహస్ర నామ్నే పురుషాయ శాశ్వతే సహస్రకోటీ యుగధారిణే నమః ||
శ్రీ సహస్ర కోటీ యుగధారిణే ఓం నమ ఇతి | - సంజయ ఉవాచ:
యత్ర యోగీశ్వరః కృష్ణో యత్ర పార్థో ధనుర్ధరః |
తత్ర శ్రీర్విజయో భూతిః ధ్రువా నీతిః మతిర్మమ || - శ్రీ భగవాన్ ఉవాచ:
అనన్యాశ్చింత యంతో మాం యే జనాః పర్యుపాసతే |
తేషాం నిత్యాభియుక్తానాం యోగక్షేమం వహామ్యహమ్|| - పరిత్రాణాయ సాధూనాం వినాశాయ చ దుష్కృతామ్|
ధర్మ సంస్థాపనార్థాయ సంభవామి యుగే యుగే || - ఆర్తాః విషణ్ణాః శిథిలాశ్చ భీతాః ఘోరేషు చ వ్యాధిషు వర్తమానాః |
సంకీర్త్య నారాయణ శబ్దమాత్రం విముక్త దుఃఖా సుఖినో భవంతి || - యదక్షర పదభ్రష్టం మాత్రాహీనంతు యద్భవేత్
తథ్సర్వం క్షమ్యతామ్ దేవ నారాయణ నమోస్తుతే | - కాయేన వాచా మనసేంద్రి యైర్వా బుద్ధ్యాత్మనావా ప్రకృతేః స్వభావాత్ |కరోమి యద్యత్ సకలం పరస్మై నారాయణాయేతి సమర్పయామి ||శ్రీ మన్నారాయణాయేతి సమర్పయామి |
ఇతి శ్రీ మహాభారతే శతసహసిక్రాయాం సంహితాయాం వైయాసిక్యాం అనుశాసనిక పర్వణి మోక్షధర్మే శ్రీ భీష్మ యుదిష్ఠిర సంవాదే శ్రీ విష్ణోః దివ్య సహస్రనామ స్తోత్రం నామ చతుః పంచాశ దధిక ద్విశత తమోధ్యాయః
No comments:
Post a Comment