ఉగాది

          మనకు ప్రతి సంవత్సరం చైత్ర శుద్ధ పాడ్యమినాడు  ఉగాది పండుగ వస్తుంది. ఈ పండుగ రోజున మనము చేయవలసిన విధులు. ఉదయం 5:30 గంటలలొపు నువ్వుల నూనెతో తలంటుకొని స్నానం చేయాలి. తిలకం ధరించి,నూతన వస్త్రములను ధరించాలి. తరువాత సూర్యభగవానునికి నూతన సంవత్సర సంకల్పం చెప్పుకుంటూ పుష్పాంజలి, అర్ఘ్యము, దీపం, ధూపం సమర్పించి ఆ తర్వాత "వేపపూత పచ్చడి" విధిగా తినాలి.

వేపపూత పచ్చడి:

కావలసినవి:

1. వేపపూత 
2. కొత్త బెల్లం
3. కొత్త చింతపండు పులుసు
4. మామిడికాయ తురుము
5. పప్పుల పొడి
6. కారం
7. ఉప్పు

పైవన్ని కలిపి దేవుడికి నివేదించి ప్రసాదంగా మనం తీసుకొవాలి.



పంచాంగ శ్రవణం :-
ఉగాది రోజు మనం పంచాంగ శ్రవణం వినుట వలన, తిథి వలన సంపదయునూ, వారము వలన ఆయుష్యమును, నక్షత్రము వలన పాప పరిహరమును,యోగము వలన వ్యాధిని వృత్తియునూ,కరణము వలన కార్యానుకూలమున్నూ కల్గును. ఈ పంచాంగ శ్రవణం వల్ల భూమి, బంగారము, గోవులు, ధాన్యము, కన్యను దానము చేస్తే కల్గినంత ఫలితం కల్గుతుంది. అంతేకాక రాజాధి నవ నాయకుల యొక్క గ్రహ ఫలితాలను శాస్త్రొక్తంగా వినుట వల్ల గ్రహదోషములు,నివారణ అయ్యి ,వినువారికి ఆరొగ్యమూ,ఆయుష్యును,సంపదల యందు శుభఫలితాలు కల్గును.